Mualliflar: Yuldasheva D.N.

 Turi: O`quv qo`llanma

 Til: O `zbek

 Nashr yili: 2019

 Nashriyot: O‘zbekiston Milliy ensiklopediyasi 

 Sahifalar soni: 176

Tasnifi: Milliy istiqlol davrida ta’lim sohasidagi qator islohotlar, avvalo,  maktab ta’limi oldiga demokratik jamiyatimizga mos yangi maqsad va vazifalarni qo‘ydi. Chunki “demokratik jamiyatda bolalar, umuman har bir inson erkin fikrlaydigan etib tarbiyalanadi. Agar bolalar erkin fikrlashni o‘rganmasa, berilgan ta’lim past bo‘lishi muqarrar” . Bu fikrlar maktab ta’limi va didaktlar oldiga qo‘yilgan ijtimoiy buyurtma hamda jamiyat taraqqiyoti uchun zaruriy ehtiyoj ifodasi. Ta’lim maqsadini to‘g‘ri belgilash, shu maqsadga muvofiq moddiy zamin, mazmun va vositalar tanlab, ularni o‘zaro muvofiqlashtirish asosidagina amalga oshirilishi mumkin. Bunda bosh masala biriinchi navbatda ta’lim-tarbiya qanday shaxsni yetishtirib berishi haqidagi ijtimoiy talabdir. Yuqorida keltirilgan fikrlardan anglashiladiki, hozirgi davr kishilari erkin, mustaqil fikrlaydigan bo‘lishi lozim. Shuning uchun milliy istiqlolning ilk qadamlaridanoq ta’lim islohotlariga jiddiy kirishildi. Ta’lim maqsadining sovet davrida hukmron bo‘lgan bilimdon ijrochi shaxsni tayyorlashdan mustaqil fikrli tadbirkor shaxsni yetishtirish yo‘nalishida tubdan yangilanishi umumiy o‘rta ta’limda barcha o‘quv predmetlari maznuni va ta’lim usullarining yangilanishini talab qildi, zeroki, maqsad hamisha usul va mazmunni belgilab kelgan.