Yer yuzida istalgan millatning mavjudligi, barqarorligi, yashovchanligini ko‘rsatib turuvchi irqiy, ma’naviy, iqtisodiy, ijtimoiy, huquqiy, siyosiy mezonlar borki, ularning ichida, eng asosiysi, milliy til hisoblanadi. Zero, milliy til (ona tili)ning ravnaqi – o‘sha tilda fikrlovchi, so‘zlovchi xalqning gullab yashnashi; millatning o‘zigagina xos tilga e’tiborsizlik, hurmatsizlik uning yemirilishi, evrilishi demakdir. Bu evrilish esa butun boshli xalq, millatning tanazzulidir.